बडबडगीत - टोपीविक्या

एके दिवशी टोपीविक्या
चालला होता बाजारी

डोक्यावरती ओझे घेऊन
थकला होता तो भारी

दिसता झाड; केला विचार
खाऊन घ्याव्या भाकर्‍या चार

झोपही घेऊ थोडीफार
मSग भरभर गाठू बाजार

नव्हते त्याला पण ठावूक
झाडावर होती माकडे खूप

माकडे होती फारच हुशार
टोप्या घेऊन झाली पसार

झोपून उठता बघतो तर
टोप्या नव्हत्या जागेवर!

वरती बघता प्रकार कळला
माकड रावांचा प्रताप कळला

दगड मारुनी घाबरवले
तरी न माकड घाबरले

काय करावे कळेना
डोकेच त्याचे चालेना

डोक्यावरची टोपी फेकुन
तो ही बसला हताश होऊन

बघता त्याची टोपी खाली
माकडांनीही नक्कल केली

नकले मुळे गंमत झाली
टोप्या सगळ्या पडल्या खाली

टोप्या सार्‍या गोळा करुन
ऐटीत निघाला टाटा करुन